358
Shares
फिफा महिला विश्वकप फुटबलमा आज पनि चार वटा खेल हुने भएका छन् । समूह डी र ईका समूह चरणका खेल हुने छन् ।
समूह ई का खेलहरु नेपाली समय अनुसार पौने १ बजे सुरुहुने छ । यो समूहमा पोर्चुगल र अमेरिका तथा भियतनाम र नेदरल्याण्ड्स आमने सामने हुने छन् ।
यो समूहमा अमेरिका र नेदरल्याण्ड्स समान चार अंकसहित क्रमश पहिलो र दोस्रो स्थानमा रहेका छन् ।
यसैगरी पोर्चुगल ३ अंकका साथ तेस्रो स्थानमा रहँदा भियतनामले खाता नै खोलेको छैन ।
आजको खेलबाट अमेरिका, नेदरल्याण्ड्स र पोर्चुगल मध्य २ टिम अन्तिम १६ मा प्रवेश गर्ने भएकाले जित निकाल्नै पर्ने बाध्यता रहेको छ ।
अमेरिका र पोर्चुगलबीचको खेलमा विजयी हुने टिम प्रि क्वाटरफाइनलमा पुग्दा बराबरीले भने अमेरिकालाई नै फाइदा पुग्ने छ ।
यसैगरी नेदरल्याण्ड्स पनि भियतनाममाथि जित निकाल्दै अन्तिम १६ मा प्रवेश गर्ने लक्ष्यमा रहँदा भियतनाम भने सान्त्वना जितका लागि मैदान उत्रने छ ।
.jpeg)
