धनगढीका लागि उडेको श्री एयरलाइन्सको जहाजमा समस्या देखिएपछि काठमाडौँ फर्कियो

काठमाडौँ । धनगढीका लागि उडेको श्री एयरलाइन्समा प्राविधिक समस्या देखिएपछि काठमाडौँ फर्काइएको छ । शुक्रबार दिउँसो ३:४० बजे चालकदलसहित ७६ यात्रु बोकेर एयरलाइन्सको क्यू ४०० नम्बरको जहाज धनगढी उडेको थियो । 

तर, उडान लगत्तै जहाजको इन्डिकेटरमा खराबी देखिएपछि जहाज काठमाडौँ फर्काइएको श्री एयरलाइन्सका प्रवक्ता अनिल मानन्धरले रातोपाटीलाई जानकारी दिए ।

जहाज करिब ३० नटिकलमाईल उडान लगत्तै समस्या देखिएको मानन्धरको भनाइ छ । 

अहिले समस्या देखिएको जहाजको प्राविधिक अध्ययन भइरहेको मानन्धरले बताए । लगत्तै फर्काइएको यात्रुहरुलाई अर्को जहाजमा धनगढी पठाइएको समेत उनले जानकारी दिए ।