माधवकुमार नेपालदेखि अनिल झासम्म भिड्दै, रौतहट–१ मा ३९ उम्मेदवार कुन वडामा कति मतदाता छन् रु ९विस्तृत विवरण

काठमाडौँ । प्रतिनिधिसभा निर्वाचन अन्तर्गत रौतहट निर्वाचन क्षेत्र नम्बर १ यसपटक अत्यन्तै प्रतिस्पर्धात्मक बनेको छ । यस क्षेत्रमा कुल ३९ जना उम्मेदवार चुनावी मैदानमा छन्, जसमा पूर्वप्रधानमन्त्री माधवकुमार नेपाल र पूर्वमन्त्री अनिलकुमार झा प्रमुख आकर्षणका रूपमा देखिएका छन् ।
चुनावी रोचकता के छ भने, दुवै नेताहरू यसपटक अघिल्लो निर्वाचनभन्दा फरक दल र फरक चुनाव चिह्न लिएर मतदातामाझ पुगेका छन् ।
पूर्वप्रधानमन्त्री माधवकुमार नेपाल नेकपा एकीकृत समाजवादीका तर्फबाट उम्मेदवार बनेका छन् । लामो समय नेकपा एमालेको नेतृत्व गरेका नेपालले पार्टीभित्र विद्रोह गरी नयाँ दल गठन गरेपछि २०७९ सालको निर्वाचनमा यही क्षेत्रबाट विजयी भएका थिए । कांग्रेस–माओवादीसहितको गठबन्धनको समर्थनमा उनले ३३ हजार ५२२ मत प्राप्त गर्दै जित निकालेका थिए ।
यता, अनिलकुमार झा यसपटक नेपाली कांग्रेसको चुनाव चिह्न लिएर आफ्नै गृहजिल्लाबाट प्रतिस्पर्धामा छन् । मधेस केन्द्रित राजनीतिमा लामो समय सक्रिय झा २०७९ मा धनुषा–३ बाट उम्मेदवार बनेका थिए । त्यतिबेला उनले २३ हजार ६८६ मत पाए पनि एमाले उम्मेदवार जुली कुमारी महतोसँग पराजित भएका थिए । धनुषामा पराजय बेहोरेपछि झा यसपटक रौतहट फर्किएका हुन् ।
रौतहट–१ मा नेकपा एमालेले अजयकुमार गुप्ता, राष्ट्रिय स्वतन्त्र पार्टीले राजेश कुमार चौधरी, जसपा नेपालले योगेन्द्र राय यादव, जनमत पार्टीले देवेन्द्र मिश्रलाई उम्मेदवार बनाएका छन् । त्यस्तै, प्रगतिशील लोकतान्त्रिक पार्टीबाट राजाराम मुखिया र उज्यालो नेपाल पार्टीबाट उमेश कुमार शाह मैदानमा छन् । उल्लेख्य संख्यामा स्वतन्त्र उम्मेदवार पनि यस क्षेत्रमा प्रतिस्पर्धामा छन् ।
२०७९ को निर्वाचनमा एमाले उम्मेदवार अजयकुमार गुप्ता दोस्रो स्थानमा सीमित भएका थिए । त्यतिबेला उनले २६ हजार ९२२ मत प्राप्त गरेका थिए ।
निर्वाचन आयोगका अनुसार रौतहट–१ मा कुल १ लाख ८ हजार ७२६ मतदाता छन् । यो निर्वाचन क्षेत्रभित्र एक नगरपालिका र चार गाउँपालिका तथा नगरपालिकाका विभिन्न वडा समेटिएका छन् ।

कुन वडामा कति मतदाता रु
गरुडा नगरपालिका

वडा १ स् ३,५२२

गढीमाई नगरपालिका

वडा ६ स् ३,११२

वडा ७ स् २,८८५

वडा ८ स् २,८२५

गौर नगरपालिका

वडा १ स् २,६५२

वडा २ स् २,४५४

वडा ३ स् २,०६७

वडा ४ स् ३,४१६

वडा ५ स् ३,३१८

वडा ६ स् ३,१५१

वडा ७ स् १,५८९

वडा ८ स् २,०४८

वडा ९ स् २,२७२

दुर्गा भगवती गाउँपालिका

वडा १ स् २,१३२

वडा २ स् ३,१९०

वडा ३ स् २,९६६

वडा ४ स् ३,२३१

वडा ५ स् ३,२४५

माधव नारायण नगरपालिका

वडा १ स् ३,०२५

वडा २ स् २,१७३

वडा ३ स् ३,१४५

वडा ४ स् २,५४३

वडा ५ स् २,६०६

वडा ६ स् ४,७६४

वडा ७ स् २,६९५

वडा ८ स् २,२२८

वडा ९ स् १,०६६

यमुनामाई गाउँपालिका

वडा १ स् २,६०८

वडा २ स् २,२०४

वडा ३ स् ३,३३४

वडा ४ स् ४,४३३

वडा ५ स् १,८३१

राजदेवी नगरपालिका

वडा १ स् २,५४६

वडा २ स् १,२६७

वडा ३ स् १,७६६

वडा ४ स् १,८७२

वडा ५ स् १,५९६

वडा ६ स् २,९०३

वडा ७ स् २,६४५

वडा ८ स् २,३७३

वडा ९ स् ३,०२८