1.2k
Shares
काठमाण्डौ । भोलुन्टियर क्रप्स नेपाल (भिसिएन)ले मुस्ताङ जिल्लाको वारागुङ मुक्तिक्षेत्र गाउँपालिकामा मंगलबार निःशुल्क ‘¥यापिड कोभिड–१९ एन्टिजेन परीक्षण’ गरेको छ । पेमा छेवाङ शेर्पा र न्यूयोर्क मुस्ताङ कम्युनिटीका चेपाक डी गुरुङको सहयोगमा सञ्चालित उक्त परिक्षणमा पहिलो चरणमा ६०३ जनाको एन्टिजेन परीक्षण गर्दा ५७ जनामा कोभिड–१९ पोजेटिभ देखिएको थियो ।
भिसिएनकी उपाध्यक्ष एवं मेडिकल रेस्पोन्स टिमकी संयोजक राधा मताङ्गीका अनुसार परीक्षणमा वडा अध्यक्ष ज्ञानेन्द्र शर्मा, मेडिकल प्रतिनिधि डा .जेम्स गुरुङ, स्वास्थ्य सहायक खगेन्द्र बोहोरा समेत स्थानीय महिला सामुदायिक स्वयंसेवी र स्थानीय प्रतिनिधिहरुको सहयोग रहेको थियो ।
जेठ ५ र ६ गते कागबेनी–४ को स्वास्थ्य चौकीमा आयोजना गरिएको परिक्षणमा सहभागी ११ जनामध्ये तीन जनामा कोभिड–१९ पोजेटिभ पाइएको थियो ।
त्यस्तै, झारकोट–१ मा ९० जनाको परीक्षण गर्दा १० जनामा पोजेटिभ देखिएको थियो ।
उक्त कार्यक्रममा महिला सामुदायिक स्वास्थ्य स्वयंसेविका र स्थानीय स्वयंसेवीको सक्रिय सहभागिता रहेको भिसिएनले जनाएको छ ।