1.3k
Shares
काठमाडौँ । नेपाल कम्युनिस्ट पार्टी (माओवादी केन्द्र) पार्टीले संगठनात्मक अवस्था अध्ययन गर्न कार्यदल गठन गरेको छ ।
बुधबार बसेको नेकपा माओवादी केन्द्रको स्थायी कमिटी बैठकले चार सदस्यीय कार्यदल गठन गरेको हो। कार्यदलमा वर्षमान पुन, जनार्दन शर्मा, गिरिराजमणि पोखरेल र पम्फा भुसाल गरी चारजना सदस्य छन् ।
कार्यदलले देशभरिकै पार्टी कमिटी, जनवर्गीय संगठनलगायतको अवस्थाबारे विस्तृत अध्ययन गरी आगामी चैत १ गते बस्ने केन्द्रीय समितिको बैठकमा सुझाव पेश गर्ने जनाइएको छ।
माओवादी केन्द्रले प्रधानमन्त्री केपी ओलीलाई दिएको समर्थनबारे छलफल गरेपनि टुंगो लगाएको छैन ।
यस्तै स्थायी समिति बैठकले माओवादी केन्द्रको संसदीय दलको नेतामा पुष्पकमल दाहाल ‘प्रचण्ड’ र प्रमुख सचेतकमा देव गुरुङलाई नै कायम राखेको छ ।
एमालेसँग पार्टी एकता हुनुअघि पनि दलको नेतामा प्रचण्ड र प्रमुख सचेतक गुरुङ नै थिए ।
.jpeg)